Tiranë/Zbulohet lokali me lojëra fati të paligjshme, në pranga pronari dhe punonjësi

Një lokal i përshtatur për zhvillimin e lojërave të fatit në mënyrë të kundërligjshme është zbuluar nga policia në rrugën “5 Maji”, si pjesë e operacionit policor të koduar “Game Over 2”.

Shërbimet e Komisariatit të Policisë Nr. 2, në bashkëpunim me Policinë Rrugore dhe Komisariatin Nr. 4, organizuan një kontroll në një lokal ku u konstatuan pajisje që përdoreshin për këtë aktivitet.

Gjatë operacionit u sekuestruan në cilësinë e provës materiale 3 pajisje kompjuterike, 2 telefona celularë dhe shuma parash të dyshuara të përfituara nga aktiviteti i paligjshëm.

Në përfundim të veprimeve hetimore, u arrestuan në flagrancë për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”, shtetasit:

• O. B., 31 vjeç, pronar i lokalit, dhe

• U. D., 51 vjeç, punonjës i lokalit.

Materialet procedurale iu referuan Prokurorisë së Tiranës, për veprime të mëtejshme.

LEXONI GJITHASHTU:

• SPAK kalon për gjykim dosjen në ngarkim të Jurgis Çyrbes
• Dosja “Partizani”, Malltezi kërkon në gjyq transmetimin live të seancave