Tjetër përgjim për Zoran Zaev, akuzohet se ka marrë 6 milionë euro ryshfet

Në vazhdën e një sërë bisedash të përgjuara që po komprometojnë edhe ish-kryeministrin por edhe kryetarin e VMRO-DPMNE Hristijan Mickoski, është publikuar një bisedë e re e përgjuar, në të cilën supozohet se flet ish-kryeministri Zoran Zaev me një avokat të njohur, Vasill Dimishkov, të cilit i thotë se do t’i hyjë një farë pune për shumë prej 6 milion eurosh.

Partia maqedonase opozitare këmbëngul se kjo bisedë audio që është vazhdim edhe i një bisede tjetër ku po ashtu avokati Dimishkov flet për një ryshfet prej 6 milion eurosh, dëshmon se të gjitha paratë e qeverisë së Zoran Zaevit që janë marrë në formë ryshfeti kanë përfunduar në xhepin e tij dhe të vëllait të tij Vice Zaev.

Avokati me të cilin përflitet se komunikon Zaev është vëllai i një gjykatëseje të njohur e cila akuzohej nga biznesmeni Orce Kamçev se ka qenë pjesë e rrjetit të zhvatjes kundër tij.

Lexoni gjithashtu:

Sot zgjedhjet në RMV, për shkak të COVID-19, qytetarët votojnë në 3 ditë të ndryshme