Toksikologu: Me azot e humb jetën për 5 minuta, nuk ndien dhimbje fizike

Kenneth Smith u bë personi i parë që u ekzekutua nga asfiksia nga azoti.

Smith, i cili u dënua me vdekje në 1996 pas gjyqit të tij të dytë për vrasjen e një gruaje me urdhër të burrit të saj, u shpall i vdekur në burgun Atmore të enjten në orën 20:25 (me orën lokale), 29 minuta pas fillimit të ekzekutimit, sqaruan autoritetet shtetërore.

Rasti ka ngjallur diskutime të shumta ndërsa komisioneri i Lartë i OKB-së për të Drejtat e Njeriut theksoi më 16 janar se ishte “tronditur” nga përdorimi i një ” metode të paprecedentë ekzekutimi “, plotësisht ” të paprovuar “.

Albert Drishti toksikolog, tha në emisionin GoodMorning Albanians në Euronews Albania se zgjedhja e këtij gazi për të kryer ekzekutimin lidhet me faktin se nuk të shkakton dhimbje fizike dhe vdekja është e shpejtë.

“Në SHBA ka disa mënyra ekzekutimi, azoti është një substancë që quhet ndryshe gazi i të qeshurës, mekanizmi i vdekjes në këtë rast është ai i asfiksisë. Nuk jep dhimbje fizike, asfiksia ka fazat e veta, por në asnjë moment nuk është e dhimbshme. Ekzekutimi ka dy pjesë, atë fizik dhe shpirtëror, nga momenti i injektimit të azotit deri në vdekje është punë 5 minutash”,  shpjegoi mjeku.

LEXONI GJITHASHTU:

• Ekzekutimi me azot në SHBA, flet prifti: Skenë horror! Filloi të shtrembërohej
• Kryhet ekzekutimi i parë me gaz azoti në SHBA, vritet 58-vjeçari në Albama