Tragjedia në Himarë, Fuga: Ministrja e Turizmit të dalë dhe të sqarojë ngjarjen

Akademiku, Artan Fuga thotë se ministrja e Turizmit, Mirela Kumbaro duhet të dalë në një konferencë për mediat, në lidhje me ngjarjen e rëndë të ndodhur tre ditë më parë në Himarë, ku një 7-vjeçare humbi jetën, pasi u përplas nga një skaf.

Në një intervistë për “Euronews Albania”, Fuga u shpreh se nëse ministrja do t’i përgjigjej pyetjes së gazetarëve, kjo do ndikonte për qartësimin e opinionit publik.

“Unë sot nuk kam asnjë intervistë dhe asnjë konferencë për mediat nga ministrja e Turizmit. Unë do e kërkoja këtë. Unë do doja që ministrja e Turizmit të bënte një konferencë me gazetarët dhe t’i përgjigjej pyetjeve të tyre. Kjo do ndikonte për qartësimin e opinonit publik.

Në qoftë se kjo nuk ndodh dhe në rrjetet sociale ka pozicione që kjo ndodh gjithandej, është një aksident, atëherë njerëzit do jenë të acaruar dhe sigurisht kërkesat politike do jenë maksimale. Është një raport forcash”, theksoi ai.

Fuga nënvizoi se në plazhet e vendit tonë mungon policia bregdetare.

LEXONI GJITHASHTU

• Plazhi ‘Sirena Jonada’, 4 mijë firma në më pak në 24 orë nga publikimi i peticionit
• Provat e Prokurorisë së Vlorës që ndryshuan akuzën për ish-efektivin Arjan Tase
• Vrasje me dashje indirekte, Gjykata lë në burg ish-efektivin Arjan Tase