Tragjedia në Himarë, Lapaj: Problemi ynë s’është ligji, por zyrtari i korruptuar

Avokati Adriatik Lapaj tha se ngjarja tragjike e ndodhur një ditë më parë në Himarë është moszbatimi ose zbatimi i gabuar i ligjit nga të gjitha hallkat, që nga pushteti vendor e deri tek roja kufitare.

Në një intervistë për Euronews Albania Lapaj tha se problemi më i madh në vendin tonë për këtë rast, por jo vetëm është korrupsioni i zyrtarëve përgjegjës për të zbatuar ligjet.

“Greqia ka 2 mln mjete detare dhe rastet e fataliteteve i ka të papërfillshme se respektohen rregullat e qarkullimit detar. Problemi ynë më  i madhe është se ne nuk e zbatojmë ligjin. Ligjin e kemi shumë të mirë por zyrtarin që e zbaton e kemi të korruptuar, të paaftë, të pandërgjegjshëm”, tha Lapaj.

Duke nisur nga ngjarja e rëndë ku humbi jetën një e mitur pasi u përplas nga një mjet motorik në breg të detit, ai tërhoqi vëmendjen për ndërgjegjësim më të madh të qytetarëve, të cilët siç tha në shumë raste duhet të bëhen vetë shteti.

LEXONI GJITHASHTU:

• Tragjedia në Himarë, Fevziu: Mjetet motorike që sekuestron policia i liron gjykata
• Arjan Tase mohon pronësinë, misteri i gomones që shkaktoi tragjedinë