Trajneri serb Ivan Gvozdenoviç rinovon për 3 vite të tjera me Skënderbeun

Serbi Ivan Gvozdenoviç do të drejtojë ekipin e Skënderbeut dhe për tre vite të tjera.

Ka qënë presidenti i kësaj skuadre Ardian Takaj, ai i cili i ka ofruar kontratën e re trajnerit aktual të ekipit, që pas dy javësh kryeson kampionatin e kategorisë superiore me 6 pikë.

Ajo çfarë e ka bindur presidentin e skuadrës bardheekuqe për të vazhduar bashkëpunimin me ish-futbollistin kampion të Skënderbeut janë rezultatet pozitive në Kategorinë e Parë dhe ajo çfarë Gvozdenoviç ka bërë me grupin e futbollistëve gjatë këtyre dy javëve në Superiore.

“Jam shumë i lumtur që do të jem pjesë e këtij ekipi edhe për 3 vite të tjera, kontratë e cila është shtyrë edhe për shkak të projektit shumë ambicioz që presidenti korçar ka më këtë ekip” – është shprehur Gvozdenoviç.

Skënderbeu ka 3 vite jashtë kupave të Europës por lajmet e mira janë se brenda këtij viti në qytetin në juglindje të vendit do të nisin punimet për ndërtimin e stadiumit të ri.

LEXONI GJITHASHTU:

• Trajneri serb merr drejtimin e Skënderbeut
• Trajneri i Kombëtares shqiptare të Boksit: Sportistët u goditën me çakmakë gjatë paradës në Serbi