Transferuan miliona euro nga Zvicra në Shqipëri, GJKKO lë në burg dy të arrestuarit

Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë arrest në burg për dy të arrestuarit në vendin tonë që transferuan nga Zvicra në Shqipëri miliona euro përmes sistemit “Hawala”.

Në burg janë lënë Burim Ferizaj dhe Përparim Kalbaj. Në kuadër të këtij hetimi të SPAK, në Zvicër është arrestuar edhe Ervis Ferizaj.

Sipas SPAK, për kalimin e parave përmes mënyrës “Hawala” e cila nuk lë gjurmë, por ka si taksë masen 6% te vlerës, janë përdorur zyra të këmbimit valutor dhe agjencive turistike.

Sipas hetimeve, paratë e futura në Shqipëri në qindra raste përgjate disa viteve kanë burim trafikun e drogës në Zvicër, ku po hetoet për persona të tjerë të dyshuar.

LEXONI GJITHASHTU:

• IKMT “zbarkon” në Llogara, ultimatum bizneseve: Çmontojini vetë objektet
• Aeroplani ushtarak i Bangladeshit rrëzohet mbi një shkollë, 16 të vrarë