Transportonte dru pa dokumentacion, hetohet 59-vjeçari

Një 59-vjeçar në Shkodër është kapur duke transportuar me kamion lëndë drusore pa dokumentacionin përkatës. Për të ka nisur një hetim.

Sasia e druve dhe kamioni janë sekuestruar.

Njoftimi i policisë:

Specialistët për Hetimin e Krimeve të Komisariatit të Policisë Malësi e Madhe, në zbatim të planit të masave për parandalimin dhe goditjen e krimeve mjedisore, goditën një tjetër rast të prerjes së paligjshme të pyjeve. Si rezultat u referuan materialet në Prokurori, ku filloi procedimi në gjendje të lirë për shtetasin G. Sh., 59 vjeç, banues në fshatin Bajzë, Malësi e Madhe.

Ky shtetas u kap nga shërbimet e Policisë, në vendin e quajtur “Burgu i Reçit”, Malësi e Madhe, duke transportuar me një automjet tip “Iveco”, 5 m3 dru për zjarr, pa dokumentacionin përkatës. Sasia e druve, bashkë me automjetin, u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

LEXONI GJITHASHTU:

• Juridiku në ‘pikiatë’| 12% e kuotave të plotësuara në Shkodër, preferohet infermeria
• Zbardhet dinamika e vrasjes në Shkodër, 5 persona shpallen në kërkim (emrat)