Tre fëmijë të përfshirë në vrasjen e babait/ Deputeti: Shoqëri e dhunshme, lë pasoja

Deputeti i Partisë Demokratike Dashnor Sula, ishte këtë të hënë i ftuar në Euronews Albania ku ka komentuar ngjarjen e rëndë të ndodhur në Durrës, ku tre fëmijët, vajza dhe dy djemtë e Pëllumb Metës u përfshinë në vrasjen e këtij të fundit.

Sula tha se në Shqipëri është krijuar një shoqëri e dhunshme. Ai tha se kjo situatë fillon që në kopshte, dhe përgjegjësi për ngjarje të tilla të rënda është edhe e gjithë shoqërisë pavarësisht se sipas tij “jo të gjithë mund të futen në një thes”, por duhen parë të gjitha hallkat e shoqërisë  të cilat sjellin të tilla probleme.

“Unë mendoj se gjërat nuk ndodhin rastësisht. Shoqëria duhet ti trajtojë që në fillim. Ju e keni parë që në kopshtet tona fëmijët dhunohen, janë gjera që lënë pasoja. Ne kopshte, shkollat 9-vjeçare, gjimnaze, në çdo fushë të jetës shoqëria duhet të ketë një përgjegjësi shumë të lartë të edukimit dhe kulturës që duhet të kultivohet. Përgjegjësia është e gjithë shoqërisë. Prandaj bota i kushton shumë rëndësi çdo hallke të institucioneve. Edhe në media, në botë ka kufizime se si trajtohen gjëra kaq të rënda”,-tha deputeti Sula.

LEXONI GJITHASHTU:

• Vrasja e babait, gazetari: Motivi i fejesës s’qëndron, si mund të gjendet autori
• “Para kamerave ulnin kokën, në gjykatë qeshnin”- Kontraditat e dëshmive të fëmijëve