Tregtarja nga Elbasani: Ballokumja jonë dallohet sepse të shkrihet në gojë

Qytetarët nga Elbasani kanë zgjedhur Tiranën për të festuar Ditën e Verës.

Duke folur për “Good morning Albanians” në Euronews Albania ata shpjeguan se si e festojnë 14 marsin duke theksuar këtu ballokumet, që sipas tyre dallojnë sepse të shkrijnë në gojë.

Ndërkaq, vezët e ngjyrosura apo byreku, janë ushqimet e tjera karakteristike të ditës.

Një traditë që disa zonja e ndanë me teleshikuesit ishte dhe vendosja e një luleje në derën e shtëpisë, para lindjes së diellit.

Ato treguan gjithashtu se kishin vendosur veroret, dy fije peri, një në ngjyrë të kuqe dhe një në ngjyrë të bardhë të ndërthurur bashkë në trajtën e një byrzylyku.