Tronditje në Champions League: Arsenali dhe Interi lënë jashtë Realin dhe Bayernin

Champions League mbylli mbrëmjen e së mërkurës fazën çerekfinale me dy sfidat e kthimit, ku u konfirmuan katër skuadrat gjysmëfinaliste: Inter, Arsenal, Barcelona dhe PSG.

Në “Santiago Bernabeu”, Arsenal konfirmoi dominimin ndaj Real Madrid duke fituar edhe takimin e kthimit me rezultatin 2-1, pas fitores 3-0 në ndeshjen e parë. Me rezultatin e përgjithshëm 5-1, londinezët kalojnë në gjysmëfinale ku do të përballen me PSG.

Saka kaloi miqtë në avantazh, ndërsa Vinícius Jr. barazoi përkohësisht. Në fund, Martinelli shënoi golin që vulosi suksesin dhe kualifikimin e “Topçinjve”. Arsenal pati edhe një penallti të humbur nga Saka në pjesën e parë dhe i shpëtoi një tjetër në favor të Realit që u anulua pas ndërhyrjes së VAR-it. Në pjesën e dytë, të dy skuadrat shënuan nga një gol, por Arsenali ishte më i rrezikshëm dhe menaxhoi me qetësi avantazhin e përgjithshëm.

Në sfidën tjetër të së mërkurës, Inter dhe Bayern Munich barazuan 2-2 në “San Siro”, por falë fitores 2-1 në takimin e parë, zikaltërit kalojnë më tej me rezultatin e përgjithshëm 4-3 dhe do përballen në gjysmëfinale me Barcelona.

Harry Kane kaloi Bayern-in në avantazh që në rastin e parë, por Lautaro Martinez barazoi në minutën e 58-të. Vetëm tri minuta më pas, Benjamin Pavard realizoi me kokë për përmbysjen 2-1. Gjermanët nuk u dorëzuan dhe barazuan në minutën e 76-të me Eric Dier, por goli i tretë që do t’i çonte më tej nuk erdhi kurrë.

Çerekfinalet e Champions League – Rezultatet 

E mërkurë, 16 prill 2025

• Inter 2-2 Bayern Munich (ndeshja e parë: 2-1)
• Real Madrid 1-2 Arsenal (ndeshja e parë: 0-3)

E martë, 15 prill 2025

• Aston Villa 3-2 PSG (ndeshja e parë: 1-3)
• Dortmund 3-1 Barcelona (ndeshja e parë: 0-4)

Programi i Ndeshjeve Gjysmëfinale:

• 29 prill: Arsenal – PSG, 21:00

• 30 prill: Barcelona – Inter, 21:00

• 6 maj: Inter – Barcelona, 21:00

• 7 maj: PSG – Arsenal, 21:00

LEXONI GJITHASHTU:

• Barcelona dhe PSG kalojnë në gjysmëfinalet e Champions League pas humbjeve dramatike
• Champions League: Arsenal turpëron Realin, Inter surprizon Bayernin në shtëpi