Trukoi ndeshjet dhe u lidh me mafian, dënohet me 5-vite burg lojtari i Serisë A
Mbrojtësi i Monzas në Serinë A, Armando Izzo, është dënuar me 5 vite burg nga gjykata italiane si i përfshirë në trukimin e ndeshjeve të futbollit por dhe krim të organizuar. Futbollisti u dënua me burgim nga seksioni i VI penal i Gjykatës së Napolit për pjesëmarrje në organizatën mafioze “Camorra”, por dhe për manipulimin e rezultateve të ndeshjeve si futbollist.
Prokurori i Napolit, Maurizio De Marco, gjatë aktakuzës së tij kishte kërkuar për lojtarin napolitan të lindur në vitin 1992, 4 vite e 10 muaj burg. Faktet për të cilat Izzo u dënua datojnë që kur ai luajti në Serie B për Avellino. Ndeshja në qendër të çështjes ligjore është Modena-Avellino, e luajtur më 17 maj 2014.

Kushëriri i Izzo-s, Umberto Accurso , kreu i klanit mafioz “Vinella Grassi të Secondigliano”, dhe Salvatore Russo, që besohet se është i lidhur me të njëjtin klan, u dënuan gjithashtu, të dy me një vit e gjysmë burg. Për zëvendësprokurorin De Marco, vëllezërit Antonio dhe Umberto Accurso (kryetarët e klanit Vanella Grassi), duke përdorur fillimisht Salvatore Russo-n si ndërmjetës, dhe më pas drejtpërdrejt atë, i dërguan një shumë të madhe parash, prej 30 mijë euro Izzo-s dhe lojtarëve të tjerë të Avellinos për të trukuar ndeshjen.
Agjenti i futbollistit i quajti akuzat si të pavërteta dhe tha se emri i IZZo-s do të pastrohet shumë shpejt.
Sa i përket jetës futbollistike, mbrojtësi italian 31-vjeçar ka luajtur për disa sezone te Genoa, por edhe në Torino.
Në lidhje me rastin ka reaguar dhe vetë ekipi i Monzas, ku futbollisti aderon këtë sezon: “AC Monza ka mësuar se lojtari i saj Armando Izzo është dënuar në shkallë të parë për krime në lidhje me Camorra-n dhe mashtrim sportiv. AC Monza shpreh afërsi dhe mbështetje totale ndaj Armandos, e bindur për lidhjen e tij me mjedisin kriminal. Avokatët e futbollistit janë të zhgënjyer nga dënimi dhe presin të lexojnë arsyet; pas së cilës do të paraqesin ankesë”- shkruan klubi.
LEXO GJITHASHTU:
SPAK njoftim zyrtar: Goditet grupi i trafikut të drogës dhe pastrimit të parave, mes të dyshuarve edhe biznesmenë
Rama reagon sërish: Shënim i detyruar për ata që po shfrytëzojnë protestat për të rritur ndjekësit
“Jam i lodhur nga telenovela Veliaj”, Hasimja: Sa më e gjatë bëhet, aq më shumë lodhen njerëzit
- 20:39 Enver Hoxhaj reagon për protestën në Tiranë: Shqipëria e fortë është në interesin e çdo shqiptari
- 20:33 Floriana Garo: PD dhe Berisha mbështesin pa lëkundje kërkesat e protestës qytetare
- 20:11 Begaj mesazh për protestat: E drejta për t’u shprehur duhet të ushtrohet në pajtim me Kushtetutën dhe ligjin
- 20:10 Bitcoin bie nën 60,000 dollarë mes presionit në tregjet globale
- 20:07 Trump: Irani po bën lëshime të mëdha
- 20:03 Nis marshimi nga sheshi “Skënderbej” drejt Kryeministrisë në ditën e 25-të të protestës në Tiranë