Trump njofton se do miratojë shitjen e avionëve luftarakë F-35 për Arabinë Saudite

Presidenti i SHBA-së, Donald Trump, tha sot se planifikon të miratojë shitjen e avionëve luftarakë amerikanë F-35 Arabisë Saudite, një ditë para vizitës së Princit të Kurorës Saudite, Mohammed bin Salman, në Uashington.

“Do të them se do ta bëjmë. Do ta shesim F-35. Shitja do të shënonte një ndryshim të rëndësishëm në politikë, duke ndryshuar potencialisht ekuilibrin ushtarak në Lindjen e Mesme dhe duke vënë në provë politikën e Uashingtonit për të ruajtur avantazhin cilësor ushtarak të Izraelit”, u tha Trump gazetarëve në Zyrën Ovale të Shtëpisë së Bardhë, sipas Reuters.

Përpara vizitës së Princit të Kurorës Saudite Bin Salman në Uashington, Arabia Saudite ka kërkuar blerjen e deri në 48 avionëve luftarakë F-35, një marrëveshje me vlerë disa miliardë dollarë.

Sauditët kanë qenë prej kohësh të interesuar në blerjen e avionëve luftarakë nga kompania amerikane Lockheed Martin, dhe një zyrtar i lartë i Shtëpisë së Bardhë, i paidentifikuar, i tha Reuters para fjalimit të Trump para gazetarëve se “presidenti dëshiron të flasë me princin e kurorës për aeroplanët” dhe më pas do të merret një vendim përfundimtar.

LEXONI GJITHASHTU:

• Trump i gatshëm të nënshkruajë një projektligj për sanksione dytësore ndaj Rusisë
• Trump: Jam dakord për të sanksionuar të gjitha vendet që tregtojnë me Rusinë