Trump: Rezoluta e Dhomës së Përfaqësuesve për të kufizuar fuqitë e luftës është jopatriotike

Presidenti amerikan, Donald Trump rezolutën e Dhomës së Përfaqësuesve, një veprim jopatriotik në mes të negociatave përfundimtare për t’i dhënë fund armiqësive në Lindjen e Mesme.

Në deklaratën e tij të parë mbi rezolutën e Dhomës së Përfaqësuesve që kufizon fuqitë e tij të luftës kundër Iranit, Trump sulmoi katër kongresmenët republikanë, Thomas Massie, Brian Fitzpatrick, Tom Barrett dhe Warren Davidson që sponsorizuan rezolutën, duke i quajtur ata ‘teatralë’.

“Dje, në një votim të pakuptimtë, Dhoma e Përfaqësuesve votoi – me 4 republikanë të këqij dhe të gjithë ‘demokratët budallenj’ për të kufizuar fuqitë e mia të luftës, pikërisht në mes të negociatave të mia përfundimtare për t’i dhënë fund luftës me Republikën Islamike të Iranit. Kush do të bënte diçka kaq jopatriotike? Ata e dinë se ku janë negociatat. Demokratët janë të nxitur nga Sindroma e Përçarjes së Trump. Ata do të preferonin që vendi ynë të dështonte sesa të më jepte një tjetër, nga shumë, fitore. Katër republikanët, kjo është një histori krejt tjetër – Ata janë teatrale!” tha presidenti amerikan në postimin e tij.

Sipas mediave të huaja, Dhoma e Përfaqësuesve miratoi rezolutën të mërkurën me 215 vota pro dhe 208 kundër. Faktori vendimtar ishte qëndrimi i katër republikanëve, Thomas Massie, Brian Fitzpatrick, Tom Barrett dhe Warren Davidson, të cilët u shkëputën nga vija e tyre e partisë dhe mbështetën propozimin demokrat.

Rezoluta është episodi më i fundit në përpjekjet e demokratëve për të kufizuar fuqitë e luftës të Trump si në Dhomën e Përfaqësuesve ashtu edhe në Senat, një iniciativë që ka fituar mbështetje në rritje nga republikanët në javët e fundit. Masa u prezantua nga përfaqësuesi Gregory Meeks i Nju Jorkut, demokrati më i lartë në Komitetin e Punëve të Jashtme të Dhomës së Përfaqësuesve.