Tur 3D në shtëpinë e Anne Frank, pa qenë nevoja të jesh në Amsterdam

Një tur i ri virtual 3-dimensional po u ofron njerëzve të eksplorojnë shtëpinë e Anne Frank në Amsterdam, edhe pa shkuar në qytet.

Vizitorët virtualë të shtëpisë mund të eksplorojnë dhomat e aneksit të bibliotekës ku Anne Frank dhe familja e saj u fshehën nga nazistët gjatë Luftës së Dytë Botërore.

Përmes teknologjisë së ofruar nga kompania “Eye Spy 360”, ata mund të ekzaminojnë artefaktet historike dhe dhoma të ndryshme të banesës.

Një avatar i prezantueses britanike Rachel Riley, i krijuar me inteligjencë artificiale, ofron informacione shtesë përmes një turi virtual.

Kreu i muzeut, Tom Brink ka dekalruar se ndërsa një vizitë fizike në muze mund t’u ofrojë njerëzve një eksperiencë emocionale, turi 3D ofron një eksperiencë mësimore shtesë.

Shtëpia e Anne Frank synon të edukojë njerëzit për rreziqet që vijnë nga antisemitizmi, racizmi dhe diskriminimi.

LEXONI GJITHASHTU:

• Restaurohet pas 4 dekadash në harresë, mbyllet Muzeu Etnografik i Elbasanit
• Hapet muzeu i madh egjiptian, shfaqen 100 mijë artefakte të lashta