“Turbullim, mpirje e gjymtyrëve”, si ta kuptoni që dikush pëson goditje në tru

Mjekja neurologe, Entela Basha thotë se përmes disa simptomave, mund të kuptohet nëse dikush ka pësuar goditje në tru.

Në emisionin “Good Morning Albanians” në Euronews Albania, Basha tha se trubullimi i pamjes, mpirja e gjymtyrëve apo edhe dhimbjet e forta të kokës, janë disa nga simptomat.

Sipas Bashës, në këto raste kërkohet ndihmë mjekësore.

“Janë totalisht të kuptushme nga familjarët edhe nga pacientët, sepse instalimi i defiçiteve është në në mënyrë akute. Në mënyrë akute të turbullohet pamja, nuk arrin të shohësh, nuk lëviz dorën dhe këmbët, mpirje të dorës dhe këmbës, humbje të ekuilibrit, dhimbje të forta koke, të vjella.

Janë simptoma që instalohen në mënyrë akute dhe vazhdojnë në kohë. Kërkojnë ndihmë mjekësorë, nuk menaxhohen dot vetë”, theksoi ajo.

LEXONI GJITHASHTU

• Sëmundjet cerebrale zënë vendin e parë në botë për shtrimet në spitale
• 1 në 7 të rritur në Shqipëri vuajnë nga sëmundjet kronike të veshkave