Turistë nga e mbarë bota në Durrës, e preferojnë për ushqimin dhe klimën e ngrohtë

Shumë turistë të huaj kanë zgjedhur Durrësin për të kaluar ditët e pushimit të Pashkës dhe jo vetëm.

Të ardhur nga Polonia, Norvegjia, Afrika e shumë vende të tjera të botës, turistët thonë se Shqipëria është për ta një nga destinacionet më interesante për t’u vizituar.

 “Ne kemi pashkët në Poloni dhe menduam të vijmë në Shqipëri për të kaluar pushimet. Këtu çdo gjë është shumë mirë, kushtet moti plazhi. Çmimet janë të mira dhe ushqimi  është shumë i shijshëm”,-tha turisti.

 “Unë vij nga Norvegjia. Kemi dy ditë që jemi këtu dhe do rrimë edhe dy ditë të tjera. Këtu ka mot shumë të mirë, plazhi dhe deti janë fantastike. Çdo gjë është e mrekullueshme”, -u shpreh një turist.

“Unë vij nga Norvegjia dhe më pëlqen shumë këtu. Ushqimi është i mirë, është ushqim mesdhetar. Çmimet janë të mira, duke i krahasuar me Norvegjinë, shumë më lirë, ndërsa me Spanjën jo dhe aq në fakt”,-tha një tjetër.

Nga përgatitjet dhe rezervimet që janë bërë në Durrës deri në këtë periudhë të vitit, ky sezon pritet të jetë shumë i suksesshëm, duke tejkaluar shifrat e një viti më parë.

LEXONI GJITHASHTU:

• Turistët kërkojnë guida profesioniste, takime mes bashkisë dhe studentëve në Durrës
• Turistët nuk vizitojnë dot muzeun/ Isufi: Situata e restaurimit të muzeut, tymnajë