Turizëm edhe në dimër, mbi 300 turistë francez vizitojnë qytetin e Sarandës

Anija turistike me flamurin e Bermudës, është ankoruar në portin e Sarandës duke i sjell qytetit bregdetar më shumë se 300 pushues të huaj, kryesisht me kombësi franceze. Edhe pse temperaturat janë jo të favorshme, duke qenë në prag të stinës së dimrit, sërish duket se qyteti bregdetar arrin të thithë turistë edhe në vjeshtë.

Ndalesa e parë e tyre ka qenë shëtitorja buzë detit, duke e gjallëruar zonën. Shumica prej tyre e konsiderojnë qytetin fantastik.

“Shëtitorja është shumë e bukur, sot do të shëtisim përgjatë qytetit, një shëtitje buzë deti”,-tha qytetarja.

Ky pushues francez pak e njihte Shqipërinë, por pas kësaj vizite në Sarandë duket i surprizuar për mirë, nga bukuritë e vendit dhe sjellja e njerëzve.

“Kam dëgjuar qe është një vend i vogël, por tani qe jam këtu shoh qe është një vend i bukur, deti, hotelet gjithë arkitektura këtu është fantastike, njerëzit këtu janë të mire dhe simpatike. Do ta vizitojmë të gjithë qytetin”,-tha qytetari.

Anija 220 metra e gjatë është e 26-ta kruizer që viziton Sarandën për këtë vit, por sipas autoritetit portual nuk do të jetë e fundit. 

LEXONI GJITHASHTU:

• Rama në Samitin e Diasporës: Po punojmë për binjakëzim me komunat arbëreshe
• Do përfaqësojë Shqipërinë në Eurovizion, kush është 13-vjeçarja nga Durrësi