U hetua për shpërdorim detyre, GJKKO pushon çështjen për Pjerin Ndreun

GJKKO pranon kërkesën e SPAK dhe pushon çështjen ndaj Pjerin Ndreut, i cili u hetua për veprën penale “shpërdorim detyre”. Vendimi u dha nga gjyqtarja Etleva Deda.

Kryebashkiaku Ndreu u kallëzua në Strukturën e Posaçme nga Partia Demokratike në Lezhë në vitin 2023 në lidhje me trotuarin në rrugën Lezhë-Shëngjin, në lagjen Xhenjo.

Në denoncimin e bërë nga PD, thuhet se aksi rrugor është në varësi të ARRSH-së dhe bashkia e Lezhës nuk kishte të drejtë të kryente punime.

Partia Demokratike e akuzonte Ndreun për dhënien e këtij tenderi në kohë fushate. Po ashtu u kallëzuan edhe zyrtarë të tjerë të bashkisë, që ishin marrë me procedurat e tenderit për ndërtimin e rrugës.

LEXONI GJITHASHTU:

• Falsifikonin ID, pasaporta, leje qëndrimi shqiptare e të huaja, arrestohen 2 persona
• Tentoi të vriste me thikë një 37-vjeçar, arrestohet autori në Cërrik