U kap me doping, Pogba rrezikon karrierën si futbollist

Karriera e Pogba po shkon gjithnjë e më keq, me francezin i cili krahas dëmtimit nuk i ka mirë punët as me drejtësinë sportive. Mesfushori ka rezultuar pozitiv në testin e parë të dopingut të kryer më 20 gusht, ndërsa ngjarja në fjalë është mbajtur e fshehtë. Në këtë pikë, futbollisti është pezulluar përkohësisht, deri në përgjigjen e testit të dytë, ku në rast konfirmimi pasojat do të ishin edhe më të rënda.

Në përballjen që bardhezinjtë zhvilluan me Udinesen disa prej futbollistëve iu kërkuar të bënin testin e doping, mes tyre dhe Pogba i cili rezultoi pozitiv. Prej atij momenti, futbollisti u urdhërua të ndalohej e të mos vijonte aktivitetin sportive. Më tej, federata italiane e futbollit bëri me dije që përgjigjë e testit të dytë do të ishte ajo vendimtare.

Në rast se edhe në të dytin Pogba do të rezultojë pozitiv, atëherë futbollisti i njohur me shumë mundësi do t’i japë fund karrierës. Kjo për faktin se dënimi në një rast të tillë shkon deri në 4 vite pezullim, gjë që do të ishte fatale, duke shtuar këtu dhe faktin se në vitin e fundit Pogba nuk ka luajtur thuajse fare. Kujtojmë se 30-vjecari iu bashkua bardhezinjve të Torinos në vitin 2022 ku ka luajtur vetëm 7 ndeshje, madje jo në minutazh të plotë, ndërsa nuk ka shënuar asnjë gol.

LEXONI GJITHASHTU:

• Paul Pogba del pozitiv në testin e dopingut
• Kombëtarja çeke publikon emrat e futbollistëve të thirrur për sfidën ndaj Shqipërisë