U komentua për pjesëmarrjen në protestën e Berishës, reagon Tabaku

Deputetja demokrate Jorida Tabaku e ka cilësuar një detyrim pjesëmarrjen në protestat e demokratëve, në përgjigje të komenteve të një dite më parë në drejtim të saj nëse do të ishte apo jo në tubimin e organizuar nga Sali Berisha.

Përmes një postimi në faqen e vet në Facebook Tabaku shprehet se me gjithë pjesëmarrjen masive, protesta e një dite më parë nuk mundi ta largojë Ramën nga pushteti, ashtu siç nuk kanë mundur ta bëjnë protestat e PD në 9 vjet opozitë.

Sipas saj, që kjo të ndodhë Shqipëria ka nevojë për një shpresë të re.

“Por që pas 3 vjetësh të tjera me po këtë kryeministër dhe pas të tjera protestave si kjo,  Edi Rama të mos rrëmbejë mandatin e katërt, Shqipëria ka nevojë për një shpresë të re.  Këtë nevojë protestat as nuk e plotësuan deri dje, as nuk do ta plotësojnë dot deri asnjëherë. Sepse për këtë nuk mjafton të mbledhësh njerëz për të protestuar”, shkruan Tabaku.

LEXONI GJITHASHTU:

• Berisha-Ramës: Betohem në flamur, nuk ta fal votën dhe pushtetin e vjedhur
• ‘Jemi armiq’, Berisha i drejtohet Ramës nga protesta para Kryeministrisë