Komiteti i Asamblesë Parlamentare të KiE miratoi pasditen e së mërkurës opinionin e raportueses Bakoyannis në Komitetin për Çështje Politike dhe Demokraci të Këshillit të Evropës.

Ky opinion rekomandon anëtarësimin e Kosovës në Këshillin e Evropës pa asnjë parakusht shtesë.

Lidhur me këtë ngjarje ka reaguar edhe kryedemokrati Lulzim Basha, i cili përmes një postimi në rrjetet sociale, e quajti këtë hap jetik që i hap rrugë vendimit në Asamblenë Parlamentare të Këshillit të Europës dhe Këshillit të Ministrave.

Basha shprehu mirënjohje për partnerët ndërkombëtarë për mbështetjen e dhënë ndaj Kosovës.

Mesazhi i Bashës:

U kry!

Tani në Paris, Komiteti Politik sapo miratoi propozimin për antarësimin e Kosovës në Këshillin e Europës. Një hap jetik që i hap rrugë vendimit në Asamblenë Parlamentare të Këshillit të Europës dhe Këshillit të Ministrave.

Mirënjohje aleatëve të shqiptarëve për mbështetjen e dhënë.

LEXONI GJITHASHTU:

• Basha takim me Bourlanges në Paris: Biseduam për kërcënimet që po përballet Europa
• Miratohet raporti për anëtarësimin e Kosovës në Këshillin e Europës