U lirua sot nga burgu, flet për herë të parë Saimir Tahiri

Ish-ministri Saimir Tahiri, ka reaguar për herë të parë pasi u lirua nga burgu ditën e sotme.

Në një postim që ka bërë në rrjetet social, ai shkruan se do të vazhdojë të kërkojë drejtësinë ashtu siç ka bërë deri më sot.

“Do vazhdoj të kërkojë drejtësinë siç kam bërë deri më sot. Të falenderoj me zemër ty që ke besuar gjithmonë te gjithçka që jam e kam bërë unë.

Faleminderit dhe ty që ke gënjyer gjithmonë, duke më kujtuar çmimin e të vërtetës. Pata mundësinë të njihja padrejtësinë përballë. Tani kam mundësinë të  kërkojnë të drejtën pa kursin. Faleminderit pamasë të gjithë”- shkruan ai.

Gjykata e Elbasanit ka liruar nga burgu ish-ministrin e Brendshëm Saimir Tahirir, duke vendosur që ta kryejë pjesën e mbetur të dënimit në shtëpi.

Vendimi u mor gjatë seancës gjyqësore të kësaj të mërkure nga gjyqtarja Matilda Fetahu, pas kërkesës së ardhur nga prokuroria.

Fetahu pranoi kërkesën e prokurorisë për rrethana lehtësuese familjare ndaj Tahirit, nën argumentin se atij i duhej të kujdesej për fëmijët e mitur për shkak të problemeve shëndetësore të bashkëshortes.

LEXONI GJITHASHTU: 

• “Lejohet të dalë nga shtëpia”, zbardhet vendimi i gjykatës që liroi Saimir Tahirin
• Flet avokati i Saimir Tahirit, zbulon arsyet e vendimit të lirimit të ish-ministrit