U përfol se do të kandidojë për deputet, jep dorëheqjen kryebashkiaku socialist

Kryebashkiaku socialist i Matit Agron Malaj ka dhënë dorëheqjen nga posti i tij.

Nuk dihet ende arsyeja e dorëheqjes, ndërsa ditën e nesërme, më 12 mars, do të zhvillohet mbledhja e jashtëzakonshme e Këshillit Bashkiak në orën 10:00 për të miratuar kërkesën e tij.

Ditët e fundit, Agron Malaj u përfol se do ta linte postin e kryetarit të bashkisë për t’u futur në listat e kandidatëve për deputet të PS-së në zgjedhjet e 11 majit 2025.

Në një postim në Facebook të Bashkisë Mat është publikuar edhe dokumenti për mbledhjen e Këshillit Bashkiak më 12 Mars, e cila do të shqyrtojë kërkesën për dorëheqjen e kryetarit.

“Ju njoftojmë se ditën e Mërkurë, më 12.03.2025, ora 10:00, në sallën e mbledhjeve të Këshillit të Bashkisë do të zhvillohet mbledhja e jashtëzakonshme e Këshillit të Bashkisë me paraqitjen e kërkesës për dorëheqje nga Kryetari i Bashkisë Mat, me shkresën Nr. 942 Prot., datë 11.03.2025, e thirrur nga Kryetari i Këshillit në bazë të Ligjit 139/2015 dhe rregullores së Këshillit, neni 54, me këtë rend dite:

1. Miratimi i dorëheqjes së Kryetarit të Bashkisë.
2. Zgjedhja e Zëvendës Kryetarit të Bashkisë Mat për kryerjen e detyrave të Kryetarit të Bashkisë deri në zgjedhjet e reja.

LEXONI GJITHASHTU:

• Zbulohen emrat e kryebashkiakëve të PS që do kandidojnë për deputetë
• Takimi javor me drejtorët, Rama vizitë në Bashkinë e Tiranës