‘U përpoqa’, analistja: Çfarë do i thotë Kurti qytetarëve nëse pranon Asociacionin

Analistja Afërdita Maliqi thotë se kryeministri i Kosovës, Albin Kurti do të shfajësohet nëse pranon  Asosacionin, duke thënë se u përpoq që ta pengonte, por nuk mundi.

Në një intervistë për Euronews Albania, Maliqi u shpreh se edhe pse ka një rënie të pëlqyeshmërisë, një pjesë e madhe e elektoratit e besojnë Kurtin.

“Pyetja paraprake se si do ta arsyetojë Kurti nëse e pranon Asosacioni me një fjali të shkurtër, Kurti ka aq aftësi të madhe të bindjes së një pjese të elektoratit të vet që është e habitshme. Do t’ju thotë kështu; u mundova, nuk munda, ju patë, e shtyva, nuk munda, kështu që në fund e pranova.

Ka një pjesë të elektoratit, pavarësisht se ka një ulje në pëlqyeshmërinë e asaj që ka pasur më 14 shkurt, megjithatë, ende ka një armatë që i beson marrëzisht dhe Kurti çfarëdo që të thotë, ata i besojnë. Do ta bindë me këtë fjali”, theksoi ajo.

LEXONI GJITHASHTU

• Marrëveshje finale në mars 2023? Analisti: Kur zgjidhet çështja Kosovë-Serbi
• Ministria e Punëve të Jashtme të Kosovës: Nuk ka dështuar anëtarësimi në KiE
• Përplasje ushtarake me Serbinë? Kurti: Shpresojmë që jo, por jemi të shqetësuar