U sekuestrua nga SPAK, APSK nxjerr me qira lokalin ”Monopol” të Aurel Hoxhës

Agjencia Shtetërore e Administrimit të Pasurive të Sekuestruara dhe Konfiskuara ka nxjerrë me qira një nga pronat e sekuestruara nga SPAK.

Bëhet fjalë për lokalin Monopol në pronësi të Aurel Hoxhës, i cili është shpallur në kërkim për vrasjen e Klevis Lleshit si organizator dhe drejtues i grupit kriminal.

Rreth 2 javë më parë Prokuroria e Posaçme kundër Korrupsionit dhe Krimit të Organizuar vendosi masën e “sekuestros preventive” mbi pasuritë me vlerë rreth 5 milionë euro të shtetasit Aurel Hoxha, i njohur edhe me emrin Aurelinjo Kalaveri, nën hetim si person që urdhëroi rrëmbimin dhe zhdukjen e Klevis Lleshit 5 vjet më parë.

Bëhet fjalë për 3 subjekte tregtare, 7 apartamente, 6 njësi tregtare, 32 autovetura, mes të cilave një Lamborghini Urus dhe një Rolls Royce Cullinan dhe 52 llogari bankare, në pronësi të drejtpërdrejtë apo të tërthortë të personave nën hetim, Aurel Kalaveri (Hoxha).

LEXONI GJITHASHTU:

• Vrasja e Klevis Lleshit/Karanxha: Bisedat e SkyEcc, hap kyç për zbardhjen e ngjarjes
• FOTO/ I akuzuar si porositësi i vrasjes së Klevis Lleshit, kush është Aurel Hoxha