U vu në shënjestër të atentatit me tritol, kush është Bernard Ndreca

Bernard Ndreca, i vënë në shënjestër të atentatit me tritol është i njohur në zonën e Vaut të Dejës si një demokrat i angazhuar në këtë forcë politike prej disa vitesh.

Pas përplasjeve të brendshme të partisë demokratike mes dy grupimeve, Ndreca u pozicionua në krah të Sali Berishës. Ai u zgjodh kryetar i degës së PD në Vaun e Dejës nga procesi i primareve.

Pjesë e strukturave të PD-së në zonën e Vaut të Dejës, Ndreca është angazhuar shpesh here për shkak të aktivitetit politik si opozitar në denoncimin publik të disa aferave  apo abuzimeve në bashkinë e Vaut të Dejës.

Policia nuk ka dhënë ende detaje mbi motivet e ngjarjes që mund të kishte pasoja fatale për Ndrecën dhe familjarët e tij.

Vetë Ndreca ka mohuar të ketë konflikte me dikë, por e ka cilësuar këtë si një sulm politik për shkak të angazhimit të tij politik dhe publik. 

LEXONI GJITHASHTU:

• “Tritoli në makinën e Ndrecës”, Ndoka: Goditje politike, duan të frikësojnë opozitën
• Iu vendos tritol në makinë, flet Ndreca: Ky sulm ka një emër