“Tritoli në makinën e Ndrecës”, Ndoka: Goditje politike, duan të frikësojnë opozitën

Nard Ndoka e cilësuar goditje politike për të frikësuar opozitën, vendosjen e tritolit në makinën e kreut të  Rithemelimit në Vaune Dejës, Bernard Ndreca.

Sipas ish-deputetit ky është një akt i përsëritur, pasi ngjarje të tilla kanë ndodhur edhe në fushatat e kaluara dhe se potentohet të ushtrohet presion psikologjik ndaj koalicionit “Bashkë Fitojmë”.

“Kjo është një goditje tinëzare, politike, për të frikësuar opozitën, stafin e Bashkë Fitojmë në fillimin e këtyre zgjedhjeve. Natyrisht krijojnë një lloj çoroditje, një lloj presioni psikologjik dhe politike, duke i trembur njerëzit.

Partia Socialiste nuk e ka nisur mirë fushatën. Këto janë akte të përsëritura kanë ndodhur e më parë, pra aty ka një bërthamë lidhur me grupet kriminale të cilat operojnë shpesh herë në fushata”,-tha për Euronews Albania ish –deputeti Nard Ndoka.

LEXONI GJITHASHTU:

• “Kërcënim në prag të fushatës”, reagon PD dega Shkodër për shpërthimin ndaj Ndrecës
• Iu vendos tritol në makinë, flet Ndreca: Ky sulm ka një emër