English

Uashingtoni furnizon me raketa Tajvanin pas kërcënimeve të Kinës

KOMENTE

SHPERNDAJE
ARTIKULLIN

Text sizeAa Aa

Shtetet e Bashkuara kanë aprovuar shitjen e armatimeve të reja tek Tajvani, për një total prej 620 milionë dollarë.

- Advertisement -

Paketa përfshin raketa për flotën e saj të avionëve F-16, në një kohë kur 21 avionë luftarakë kineze kryen një inkursion në 24 orët e fundit në hapësirën ajrore të ishullit.

Lëvizja, që pritet të ashpërsojë marrëdhëniet e tensionuara mes Uashingtonit dhe Pekinit, do t’i mundësojë Tajvanit të forcojë më tej mbrojtjen e hapësirës ajrore.

Duke njoftuar vendimin e administratës amerikane, Pentagoni ka sqaruar se Departamenti i Shtetit ka aprovuar shitjen e armëve për ishullin aziatik, të cilat përfshijnë 200 raketa ajër-ajër me rreze të mesme veprimi dhe 100 raketa në gjendje të rrëzojnë stacionet e radarëve.

Ministria e Mbrojtjes në Tajvan ka deklaruar në reagimin e saj se, raketat do të ndihmojnë në mbrojtjen me efikasitet të hapësirës ajrore, për t’i bërë ballë kërcënimeve dhe provokimeve të ushtrisë komuniste kineze.

Kina vazhdon ta konsiderojë Tajvanin pjesë të patjetërsueshme të territorit të saj dhe ka paralajmëruar disa herë se është e gatshme të përdorë edhe forcën për të mbrojtur politikën e një Kine të vetme.

Por ishulli me 23 milionë banorë refuzon ta pranojë dominimin kinez dhe synon të ruajë pavarësinë e tij.

LEXONI GJITHASHTU: 

 

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×