“Udhëtarët” nisin rrugëtimin e parë nga “djepi i kulturës”, Shkodra

Gazetarët Loneta Progni dhe Renaldo Salianji kanë lënë studion televizive për të nisur këtë sezon rrugëtimin e tyre me emisionin “Udhëtarë” që na sjell sot destinacionin e parë në serinë e 48 ditëve udhëtime nëpër Shqipëri.

Në episodin e parë ata janë në Shkodër, njohur si “djepi i kulturës” dhe “qyteti i biçikletave”.

• “Udhëtarët” takohen në urën e Bunës, simbol i qytetit të Shkodrës

Udhërrëfyese për Lonetën, e cila ka zgjedhur të na tregojë Liqenin e Shkodrës do të jetë 9-vjeçarja, Revja Toska dhe Aurora Piroviç. Së bashku ato lundrojnë me kanoe dhe vizitojnë zonën e zambakëve të ujit në liqen.

• Zambakët e ujit, zona më e bukur e Liqenit të Shkodrës

Por Shkodra njihet jo vetëm për liqenin dhe bukuritë natyrore. Qyteti është gjithashtu një atraksion për turizmin. Qyteti njihet për biçikletat si mjeti më popullor për të lëvizur. Një shëtitje me biçikletë në nuk i rezistoi as Renaldo, duke u shndërruar për disa orë nga një korçar në një “shkodran tipik”.

• Udhëtimi me biçikletë, karakteristikë e rrugëve shkodrane

Karakteristikë e qytetit janë lulet. Oborret e shtëpive shkodrane dehin me aromë, sidomos me aromën e luleborës, e cila është një lule karakteristike. Shumëkush e njeh më tepër këtë pjesë prej këngës “Luleborë!”.

Në Shkodër mund të gjesh një nga punishtet më të zëshme të maskave për karnavale, të cilat eksportohen në Venecia të Italisë.

• Maskat e karnavaleve shkodrane që eksportohen në Venecia

Ana tjetër që e karakterizon Shkodrën është pasioni për sportin. Klubi shekullor i Vllaznisë ka përkrahjen fanatike të mijëra tifozëve dhe dashamirësve të futbollit.

Një prej atyre që e mbështesin klubin është dhe aktori i mirënjohur Besnik Çinari, i cili rrëfen me emocione për “Udhëtarët” se Vllaznia është ekip i zemrës dhe që ndeshjen e parë e ka ndjekur kur ka qenë shumë i vogël së bashku me babain e tij.

• Aktori Besnik Çinari tregon rëndësinë që ka ekipi i Vllaznisë për qytetin e Shkodrës

Loneta dhe Renaldo shoqërohen nga kolegu i tyre Teodor Gjerga, për të njohur anën rinore të qytetit të Shkodrës.

• 5 gjërat që mund të bëni brenda një fundjave në Shkodër