Udhëtimi me biçikletë, karakteristikë e rrugëve shkodrane

Nëse shkon në Shkodër dhe nuk bën një xhiro me biçikletë, humb shumë nga kënaqësitë që të ofrohen kur je në “qytetin e biçikletave”.

As Renaldo Salianji, korçari i Euronews Albania nuk i rezistoi tundimit për të shijuar bukuritë e qytetit veriperëndimor me dyrrotak.

Mbi rrugët karakteristike shkodrane, njëra prej gomave u ça, ndërsa të gjeje një vend për ta riparuar ishte pjesa më e lehtë e mundshme.

Qyteti ka gjithandej servise për biçikleta duke qenë se të gjithë shkodranët i përdorin ato në përditshmëri. Madje është në kulturën e tyre t’ua mësojnë fëmijëve që fare të vegjël ruajtjen e ekuilibrit në biçikletë.

Një zotëri që shoqëroi Renaldon në servisin më të afërt na tregoi se biçikleta e mban në formë dhe kryen punë më shpejt se me makinë, ndërkohë që duhet theksuar se shoferët e automjeteve janë shumë miqësor me qytetarët që lëvizin me biçikleta.

LEXONI GJITHASHTU:

“Udhëtarët” takohen në urën e Bunës, simbol i qytetit të Shkodrës

Zambakët e ujit, zona më e bukur e Liqenit të Shkodrës

Maskat e karnavaleve shkodrane që eksportohen në Venecia

5 gjërat që mund të bëni brenda një fundjave në Shkodër