Ujësjellësit me koncesion/ Qeveria propozon edhe PPP-në për menaxhimi i ujit

Ujësjellësit në vend kanë sjellë problemet të vazhdueshme në qeveri. Për keqmenaxhimin dhe borxhet që ata kanë krijuar, tashmë po propozohet edhe partneriteti publik privat.

Furnizimi me ujë të pijshëm dhe trajtimi i ujërave të ndotura urbane, mund të jepen me koncesion. Ky është një prej varianteve që propozon Ministria e Infrastrukturës dhe Energjisë, si skemë që do të prodhojë më shumë efiçencë në menaxhimin e ujësjellësve.

Propozimi është hedhur për konsultim publik, dhe në të pasqyrohen disa alternativa.

E para është kontrata e performancës që lidhet ndërmjet njësive të vetëqeverisjes vendore dhe autoriteteve të qeverisjes qendrore të cilat përcaktojnë treguesit, që do të arrihen në bazë vjetore nga operatorët.

Opsioni i dytë është dhënia me Partneritet Publik P e shërbimeve të furnizimit me ujë të pijshëm, largimit, grumbullimit dhe trajtimit të ujërave të ndotura urbane pas një studimi fizibiliteti që e bëjnë bashkitë.

Dhe së treti është operatori i mundësisë së fundit që duhet të jetë me kapital shtetëror ose privat që licencohet nga ERRU-ja për të ofruar këtë shërbim.

Në relacionin e projektligjit thuhet se nëpërmjet këtij projektligji synohet të rritet performancë e sektorit, të rriten financat Ujësjellës Kanalizimeve dhe të përmirësohet cilësia e shërbimeve ndaj konsumatorëve.

LEXONI GJITHASHTU:

• PD e Italisë kërkoi largimin e PSSH nga Partia Socialiste Europiane, reagon Edi Rama
• Nuk kanë shlyer detyrimet financiare, 3 klube shqiptare dënohen nga Disiplina