Nuk kanë shlyer detyrimet financiare, 3 klube shqiptare dënohen nga Disiplina

Formës jo të mirë që po kalon në kampionat Dinamo i shtohet një tjetër problem. Nëndetësja nuk do të mund të përforcohet në 3 periudhat e ardhshme kjo për shkak të një vendimi të komisionit të disiplinës, i cili nuk i lejon të regjistrojë lojtarë të rinj.

Krahas Dinamos, disiplina ka dënuar dhe Tiranën e Skënderbeun, kjo për faktin se nuk kanë shlyer detyrimet finanaciare. Deri në momentet kur dicka e tillë të arrihet, këto skuadra nuk do të mund të transferojnë dot asnjë futbollist. Mes tyre, ajo me nevojën më të madhe për të kryer përforcime në janar është Dinamo, që aktualisht qëndron në fundin e tabelës së klasfikimit.

Në anën tjetër Skënderbeu renditet në vendin e gjashtë, ndërsa Tirana përkohësisht e treta në kuotën e 18 pikëve. Komisioni i disiplinës gjithashtu ka gjobitur bardheblutë dhe ekipin korcar edhe për episodin e dhunës të regjistruar pas ndeshjes së 5 nëntorit.

Tashmë do të pritet nëse 3 ekipet e sipërpërmendura do të paguajnë vlerat e prapambetura apo jo, për të pasur më pas të drejtë të ndërhyjnë në merkatot e ardshme, qofta dimërore apo verore.

LEXONI GJITHASHTU:

• Milani, perfekt ndaj PSG/ Kuqezinjtë dominojnë e triumfojnë, Dortmund ia del sërish
• Ndeshja Kosovë-Izrael do të zhvillohet me tifozë