Në Shqipëri po hyjnë më pak mallra. Në muajin qershor, sasia që u përpunuan në porte ishte 25% më e ulët se qershorin e vitit të kaluar. E ngjashme është situata edhe në periudhën 6-mujor, ku fluksi i ngarkesave ka rënë me 11%.
Të dhënat e INSTAT, tregojnë se tregtia po funksionon më mirë tek të ardhurat që arkëtohen nga këto mallra, ndërsa sasia e përgjithshme po reduktohet që nga muaji mars, kur nisi të përshkallëzohej lufta Rusi-Ukrainë.
Sipas infrastrukturës, vendi ynë transporton më shumë se gjysmën e mallrave në rrugë detare.
Por, e kundërta ka ndodhur me qarkullimin e njerëzve. Në krahasim me vitin e kaluar, fluksi është dyfishuar në rrugët ajrore. Në muajin qershor, më 500 mijë individë erdhën në Shqipëri me një biletë avioni. Edhe me traget, rritja regjistrohet me 150%, pasi brenda 30 ditëve erdhën 103 mijë pasagjerë.
Qershori është praktikisht muaji kur nis plazhi në vendin tonë, arsye kjo që lidhet me këtë fluks kaq të madh udhëtimesh.
LEXONI GJITHASHTU:
- Me automjete të vjedhura në Portin e Durrësit, 1 në pranga dhe 2 të proceduar
- Rritja e çmimit të naftës, Shell raporton fitime rekord prej 11.3 mld €
