Universitetet po boshatisen, Heba: Ja pse prindërit i regjistojnë fëmijët në privat

Ekspertja e komunikimit Holta Heba ishte këtë të diel në “Review” në Euronews Albania për të folur për arsimin e lartë në Shqipëri, ku universitetet publike po përballen më një numër gjithnjë e më të ulët e më një ikje masive të studentëve.

Heba tha se shpesh prindërit duan të regjistrojnë fëmijët e tyre në universitete private, për shkak se ata angazhohen më shumë për cilësinë.

“Universitetet private u nënshtrohen akreditimeve periodike për programe dhe institucionin. E ndonjëherë akreditimet e universiteteve private janë shumë më të sakta se universitetet shtetërore. ata kanë kërkesa më të mëdha në kontroll dhe në monitorime. Ka disa standarde që universitetet private punojnë për të pasur një arsim cilësor.

E po të pyesësh prindërit e kanë më për mbarë ata që i mbajnë brenda në Shqipëri fëmijët, e kanë më për mbarë ti çojnë në privat se ti lënë në universitetet shtetërore”,-tha Heba.

LEXONI GJITHASHTU:

• “Arsimi i Lartë në alarm”, Mehmeti: Në 36 vite s’kemi qënë kurrë më keq se kaq
• “Dramë në Arsimin e Lartë”, Dibra: E kotë të fshihemi, duhet të themi të vërtetën