Urdhër arresti ndaj Netanyahut, Blinken paralajmëron sanksione ndaj Gjykatës
Administrata e presidentit Joe Biden është e gatshme të punojë me Kongresin për të vendosur sanksione potenciale kundër zyrtarëve të Gjykatës Penale Ndërkombëtare lidhur me kërkesën e prokurorit për urdhër-arreste për liderët izraelitë për luftën në Gaza, tha të martën Sekretari i Shtetit Antony Blinken.
Në një seancë dëgjimore në Kongres, ai tha se ishte i përkushtuar për të ndërmarrë veprime kundër këtij vendimi të gjykatës, të cilin e cilësoi si “thellësisht të gabuar”. Sipas tij, ky vendim do të vështirësonte arritjen e një marrëveshjeje për pengjet dhe një armëpushimi me Hamasin.
Si presidenti demokrat Joe Biden dhe kundërshtarët e tij politikë kanë kritikuar ashpër njoftimin e Khan, duke argumentuar se gjykata nuk ka juridiksion mbi konfliktin e Gazës dhe duke ngritur shqetësime për procesin.
Shtetet e Bashkuara nuk janë anëtare të gjykatës, por kanë mbështetur ndjekjet penale të kaluara, duke përfshirë vendimin vitin e kaluar për të lëshuar një urdhër arresti ndaj Vladimir Putin për luftën në Ukrainë.
Kryeprokurori i gjykatës, Karim Khan, njoftoi të hënën se kishte aplikuar për urdhër-arrest kundër kryeministrit izraelit Benjamin Netanyahu dhe ministrit të Mbrojtjes Yoav Gallant.
Khan kërkon gjithashtu urdhër-arrest për tre zyrtarë të Hamasit – Yahya Sinwar, udhëheqësin në Gaza, Mohammed Deif, komandantin e krahut ushtarak të Brigadave Qassam dhe Ismail Haniyeh, kreun e byrosë së saj politike.
LEXONI GJITHASHTU:
Protesta në Tiranë hyn në ditën e 25-të, qytetarët mblidhen para godinës së Kryeministrisë
U helmua me kërpudha, gazetari që zbuloi lidhjen e dyshuar të Putinit gjendet i vdekur në mërgim
Momente paniku në Madrid, qindra persona evakuohen nga zjarri në rrokaqiellin 49-katësh
- 19:47 Rrëzohet kamioni në Librazhd, bllokohet rruga për mbi një orë (VIDEO)
- 19:34 Policia Metropolitane e Londrës do zgjerojë dronët dhe teknologjinë e njohjes së fytyrës gjatë hetimeve
- 19:32 Dorëshkrimi i panjohur i Mozartit zbulohet në Francë, shtatë vepra të reja dëgjohen për herë të parë
- 19:27 Kina kryeson listën botërore të superkompjuterëve me “LineShine” në vend të parë
- 18:59 Rama poston videon: Bufi i kthyer në Flamingo
- 18:58 Rubio: Grupi teknik për Iranin mblidhet sërish javën e ardhshme në Zvicër