“Urgjente, qeveria të miratojë minimumin jetik!”- Apeli i ekspertit të ekonomisë

Eksperti i ekonomisë Fatos Çoçoli, i ftuar në Euronews Albania tha se qeveria duhet të miratojë sa më shpejtë minimumin jetik.

Çoçoli shtoi se qeveria e ka të pamundur ta miratojë tani pasi nuk ka aq para në buxhetin e shtetit, por nëse do e miratonte asistenca sociale do të rritej menjëherë.

“Qeveria urgjentisht duhet të miratojë minimumin jetik. Pse e them këtë? Sepse në momentin kur do të miratohet minimum jetik social, asistenca sociale do të rritet menjëherë. Sepse ti sot jep 8000 lekë të reja në muaj, por nëse miratohet pragu i minimumit jetik me këtë që ke sot e shumë herë më të lartë. Qeveria është e pamundur t’i miratojë sepse nuk ka aq para në buxhetin e shtetit, por po u miratua e detyron qeverinë që të shtojë sa më shumë fonde”,-tha Fatos Çoçoli.

LEXONI GJITHASHTU:

• Dyshohet se ka dhunuar vajzën e tij, 63-vjeçari procedohet në gjendje të lirë
• Politikania e Serbisë: Ja ç’do ndodh nëse Kurti nuk bën Asosacionin e Komunave serbe