Ushtria ukrainase: Forcat ruse po sulmojnë në lindje, kanë forcuar pozicionet në jug

Shtabi i Përgjithshëm i ushtrisë ukrainase ka thënë se forcat shtetërore janë duke vazhduar luftimet në rajonin lindor Donjeck, ndërsa në jug trupat ruse kanë forcuar pozicionet e tyre dhe kanë bombarduar Khersonin.

Forcat ukrainase kanë rikthyer kontrollin e Khersonit muajin e kaluar, raporton Radio Evropa e Lirë.

Në pjesën më të madhe të Ukrainës, punëtorët teknikë janë duke punuar për të rikthyer furnizimet me energji pas dëmeve të mëdha në rrjet që kanë shkaktuar bombardimet ruse.

Për pasojë, miliona njerëz kanë mbetur pa rrymë, teksa temperaturat sa vijnë e ulen.

Sipas ushtrisë ukrainase, Donjecku mbetet zona ku po zhvillohen luftimet më të ashpra.

LEXONI GJITHASHTU:

• Zelensky fton Musk në Ukrainë për të parë me sytë e tij se çfarë ka bërë Rusia
• Shkolla me printer 3D për Ukrainën, projekti i OJQ-ve për rindërtimin e vendit