Kryeministri Edi Rama ka shkuar sërish në bashkinë e Tiranës të enjten menjëherë pas një komunikim me ndjekësit në rrjetet sociale ku mori sërish në mbrojtje kryebashiakun Erion Veliaj të arrestuar 2 ditë më parë me urdhër të SPAK, ndërsa akuzoi këtë të fundit për intimidim.

Kjo është hera e tretë që kryeministri shkon në bashkinë Tiranë që pas arrestimit të kryebashkiakut Veliaj, ndërkohë që në krye të bashkisë më të madhe në vend u komandua nënkryetarja Anduena Ristani.

Në një deklaratë 2 ditë më parë Rama u shpreh se kryebashkiaku Veliaj nuk do të shkarkohet ndërsa akuzoi SPAK se ka dalë nga shinat kushtetuese.

GJKKO la në fuqi masën e arrestit me burg ndaj kryebashkiakut Veliaj, pas një seanca maratonë që zgjati mbi 6 orë.

Veliaj akuzohet për korrupsion pasiv dhe pastrim parash.

LEXONI GJITHASHTU:

• Erion Veliaj mbërrin në paraburgimin e Durrësit
• Veliaj del nga SPAK, mbështetësit pengojnë lëvizjen e makinës së policisë