“Vëllazëria Ruso-Serbe është mit”, Shpend Gashi krahason Ukrainën me Kosovën

Teksa flitet mbi situatën në Kosovë, pikëpyetje të shumta ngrihen akoma mbi tensionin që ajo mbart në vetvete.

Analisti dhe njëkohësisht drejtuesi i ‘Tru Podcast’, Shpend Gashi ishte i ftuar në ‘Now’ në Euronews Albania i cili bën një krahasim mes Kosovës dhe Ukrainës.

“Ukraina është si Serbia sepse Serbisë i është këputur një rrip toke që mban 2 milion e 200 mijë shqiptarë dhe është kthyer në një shtet të pavarur. Ndërkaq, Kosova është si ato krahinat që kanë zgjedhur të pavarësohen dhe me rastin e Ukrainës, kanë zgjedhur të futen në federatën ruse, jo brenda Rusisë. Kjo është Luftë e Ftohtë akute midis inteligjencës serbe dhe inteligjencës ruse”, tha Gashi.

I pyetur se pse ai e quan në këtë formë situatën në Kosovë, analisti shprehet se është thjesht çështje interesash.

“Është një Luftë e Ftohtë sepse prishen interesat. Historia e ka treguar se ka patur shumë shitje të interesave të Rusisë për llogari të Serbisë. Ne kemi krijuar një lloj miti që ka një vëllazëri midis serbëve dhe rusëve, nuk është e vërtetë. Kanë vetëm interesa dhe interesat e tyre kanë konvenuar siç ndodh me interesat tona me SHBA-në”, thekson Shpend Gashi.

LEXONI GJITHASHTU:

• Deputetët në Maqedoninë e Veriut thërrasin kryeparlamentarin Gashi në interpelancë
• Gashi: Kosova quhet Dardani, bërthama serbe është gënjeshtër