Duke folur në lidhje me deklaratën e Ramës, e cila u interpretua si një ftesë ndaj Dashnor Sulës, Sali Berisha tha të mërkurën në një konferencë shtypi se Sula e ka vendin vetëm në Partinë Demokratike, pasi ka një investim real në këtë forcë politike.
Sipas Berishës nga deklarata e Ramës kuptohet që Lapaj është një patericë e tij dhe se kryeministri e ftoi vetë Dashnor Sulën, duke i thënë që’ hajde më mirë te unë se njëlloj se ti Lapaj je por une të paktën jam padroni’.
“Dashnor Sula është një eksponent i Partisë Demokratike, me investime reale në këtë parti, dhe vendi i tij është në Partinë Demokratike. Njëri të pagabueshëm nuk ka dhe ideja e tij për të gjetur strehë te Lapaj, e mori përgjigjen sot nga Rama, ku Rama i thotë atij: ‘Sa shkon te Lapaj, hajde te unë, se është njëlloj, po të paktën unë jam padroni.’ Pra, në këtë deklaratë, shikohet se sa e pavend dhe e gabuar ishte përzgjedhja që bëri Dashi me Lapajn. Nuk ka pse, ata janë njëlloj, paterica të Edi Ramës”. tha Berisha.
LEXONI GJITHASHTU:
- Rama ftesë Dash Sulës t’i bashkohet PS-së: Duhet të dezinfektohet më parë
- Dashnor Sula tërhiqet nga koalicioni “Shqipëria Bëhet”, Lapaj: Patëm mosdakordësi
