Vendi përfshihet nga reshje shiu, stuhi breshëri në Gramsh e Tiranë

I gjithë vendi është përfshirë nga mot i keq me reshje të dendura shiu. Gjatë mesditës së të shtunës, kryeqyteti është përfshirë nga një stuhi breshëri, i cili zgjati vetëm pak minuta.

E njëjta situatë ka ndodhur edhe në qytetin e Gramshit, ku janë dashur vetëm disa minuta që rrugët e qytetit të zbardhen nga breshëri.

Sasia e madhe e breshërit që ra në një kohë shumë të shkurtër krijoi vështirësi në qarkullim. Sipas banorëve, stuhia zgjati rreth 5 minuta, por intensiteti i saj ishte i lartë.

Për momentin, nuk raportohen dëme të konsiderueshme në banesa apo në kulturat bujqësore, ndërsa autoritetet lokale po monitorojnë situatën.

Fenomeni vjen në një periudhë me luhatje të theksuara të motit, ku reshjet e shiut dhe breshërit po alternohen me temperatura të ulëta për këtë periudhë të vitit.

LEXONI GJITHASHTU:

• Bizneset nëpër botë po përgatiten për tarifa shtesë të Trump mbi importet e çelikut
• Përfundon shpërndarja e materialeve zgjedhore në Vlorë për zgjedhjet e 9 nëntorit