Vendimi i KAS: Do rinumërohen votat në Gramsh dhe Peqin

Edhe bashkitë e Peqinit dhe Gramshit në qarkun Elbasan do të shkojnë në rinumërimin e votave të zgjedhjeve të 11 majit.

Vendimi u mor këtë të premte nga KAS, me kërkesën e dy anëtarëve, Elvis Çefa dhe Ledio Braho.

Kështu, 96 kutitë e këtyre 2 bashkive, iu bashkohen kutive të Tiranë dhe Fierit dhe një pjesw të kutive të Durrësit që do të nisin të rinumërohen duke nisur që prej të hënës së javës së ardhshme.

Ndërkohë, kjo mbledhje e Komisionit të Ankimeve dhe Sanksioneve në KQZ është shoqëruar me debate dhe tensione të forta, mes anëtarit, Ilir Rusmaili dhe përfaqësuesit të PD, Marash Logu.

Shkak i përplasjes ishte vota e diasporës dhe pretendimet që opozita ngriti në lidhje me parregullsitë e këtij procesi në disa vende, ku më i madh shqetësimi është për votimin ne Greqi.

LEXONI GJITHASHTU:

• Vendoset rinumërimi i 2 KZAZ-ve në Durrës, KAS merr parasysh pjesërisht disa kërkesa
• Përndiqte 33-vjeçaren dhe hapte rrjete sociale me emrin e saj, në kërkim 54-vjeçari