Vendimi i ‘Strasburgut’ për 21 janarin, Dervishi: Askush ‘mbi’ Komandantin e Gardës

Gazetari Ferdinand Dervishi është shprehur se përgjegjësia ligjore sipas vendimit të Gjykatës së Strasburgut për vrasjen e Aleks Nikës në 21 janar, shkon deri te komandanti i Gardës, që në atë kohë ishte Ndrea Prendi.

Komentet Dervishi i bëri në emisionin “Review” ne Euronews Albania, ku tha se përgjegjësia penale nuk mund të shkojë te palët politike, pasi sipas tij, askush nuk mundet ta komandoi Komandantin e Gardës në ato rrethana, me një manual të shkruar.

“Në gjithë këtë vendim më tërhoqi vëmendjen pjesa ku thotë “përgjegjësia e zinxhirit komandues e pazbardhur” u përqëndrua te përgjegjësia individuale dhe jo në sekuencën e urdhërave që mund të ishin dhënë nga zinxhiri komandues i gardës. Pra Strasburgu zinxhirin komandues i shikojnë deri te Ndrea Prendi.

Komandanti i Gardës dhe Garda ecin me një manual dhe nuk mund t’u japë askush një urdhër të shkruar në manual atyre. Nuk dua të bëj avokatin e djallit fare. Dihet se kushi ishte aty brenda në Kryeministri atë ditë, kanë qenë edhe persona të autorizuar. Dikush një grusht turinjve mund ta ketë ngrënë pse nuk ka qëlluar, etj.

Por ligjërisht nuk e komandon askush Komandantin e Gardës. Ktë besoj se kanë thënë ata në këtë pjesë. Por jam i sigurt që të gjithë njerëzit që ishin në Kryeministri duhet të hetohen, të merren në pyetje, sepse kanë qenë dëshmitarë”, është shprehur Dervishi.

LEXONI GJITHASHTU:

• ‘Qëlloni në mish’- Xhaxhai i Aleks Nikës: Dorëzuam në SPAK kasetën për ’21 Janarin’
• Vrasja e Aleks Nikës në protestën e 21 janarit, Gjykata e Strasburgut merr vendim