Një video në YouTube që tregon detaje kundër blerjes së markave të shtrenjta është bërë virale.
Cara Nicole, një YouTuber që krijon kontent për paratë, median dhe stilin e jetesës, ndau mendimet e saj se si markat e shtrenjta luksoze synojnë të varfrit dhe jo të pasurit.
Botuesja Arlinda Dudaj tha në emisionin GoodMorning Albanians në Euronews Albania se shpesh mania për të blerë marka bën që njerëzit të dalin edhe jashtë mundësive të tyre ekonomike.
“Është pjesë e kohës ku jetojmë jemi në kapitalizëm, tani ka arritur kulmin. Ky është kapitalizmi që të shtyn drejt konsumit ekstrem. Dëshira për t’u dukur, që kam firmë, shpesh na bën të bëjmë sakrifica dhe të dalim jashtë mundësive. Ky është problemi, kush ka mundësi e bën”, tha Dudaj.
LEXONI GJITHASHTU:
- “Markat e famshme po ju bëjnë të varfër” – Fushata virale kundër stilistëve
- 5 markat më të kërkuara në Shqipëri dhe botë në vitin 2022
