“Vetëm 1 politikan nuk korruptohet”, inxhinieri Mertenika i zbulon “emrin”…

Një kandidat i inteligjencës artificiale është në fletën e votimit për zgjedhjet e përgjithshme të Mbretërisë së Bashkuar muajin e ardhshëm.

“AI Steve”, i përfaqësuar nga biznesmeni i Sussex-it, Steve Endacott, do të shfaqet në fletëvotim së bashku me kandidatët e tjerë që konkurrojnë për të përfaqësuar zgjedhësit në zonën e Brighton Pavilion të Brighton and Hove, një qytet në bregdetin jugor të Anglisë.

Ermand Mertenika inxhinier biomjekësor tha në emisionin GoodMorning Albanians në Euronews Albania se një avatar i inteligjencës artificiale e ka të pamundur të gënjejë pasi është një gjuhë programimi dhe një pyetje që ti i bën, do të kthejë përgjigje korrekte.

“Ky është një politikan që nuk gënjen, ai përfaqëson një kompani të teknologjisë që kishte të bënte me implementimin e botës së IT, por fakti që ai ka propozuar implementimin e IA në Parlament ka pasur edhe një nënkuptim brenda, që të evitohet pjesa e korrupsionit. Inteligjenca artificiale nuk gënjen, është shumë racionale”, tha ai.

LEXONI GJITHASHTU:

• Kush është kandidati virtual që garon në zgjedhjet e përgjithshme në Britani?
• Inteligjenca artificiale kryefjala e Apple, përdoruesit të frikësuar për privatësinë