“Vetëm të fluturojmë”, Troshku: Zona e Freskut, më stresuesja për ne zjarrfikësit

Zjarrfikësi Marsel Troshku tregoi në një intervistë për “Good morning Albanians” në Euronews Albania se zona e Freskut është më stresuesja për zjarrfikësit.

Ai u shpreh se ka shumë raste kur merr telefonata të rasteve për zjarr dhe e zë paniku vetëm nga zona ku do të shkojë.

“Një nga zonat që është pak më stresuese është zona e Freskut. Ne stacionin e ri e kemi në Kinostudio. Është një orar te Fresku, te zona ku futesh, nga ora 5 deri në 7, që është e tmerrshme sepse nuk kanë edhe makinat ku të hapin rrugën. Llogarite vetë, gjithë ajo zjarrfikëse e madhe ku do kalojë, vetëm të fluturojë, është e tmerrshme. Ajo është zona më stresuese për ne,” – tregoi Troshku.

Për të tretin vit radhazi personeli ushtarak i regjistruar, zjarrfikësi, piloti i linjës ajrore dhe oficeri i policisë janë katër profesionet më stresuese, sipas raportit vjetor të punëve më stresuese të “CareerCast”.

LEXONI GJITHASHTU:

• Zjarrfikësi: Dikur as nuk na hapnin rrugën, tani janë ndërgjegjësuar
• Bara: Kam 25 vite taksist, sot stresin ma ka shtuar trafiku