Zjarrfikësi: Dikur as nuk na hapnin rrugën, tani janë ndërgjegjësuar

Zjarrfikësi Marsel Troshku tregoi në një intervistë për “Good morning Albanians” në Euronews Albania se puna e tyre në përditshmëri lidhet ngushtësisht me stresin, përveç vështirësisë.

Ai solli në vëmendje raste kur as nuk u hapin rrugën kur kishin urgjenca.

“Ne nisemi për një zjarr, nuk e dimë çfarë na pret atje, nuk e dimë kush na ka zënë rrugën, nuk e dimë nga të shtrijmë linjat për të punuar, nuk dimë a ka njerëz. Këto vitet e fundit ka ndryshuar, na e hapin rrugën sa na shohin nga larg, na kanë ndihmuar. Dikur s’e hapnin rrugën fare, nuk iu interesonte; tani është më ndryshe se njerëzit janë ndërgjegjësuar; dikur s’e kanë ditur fare se çfarë është zjarrfikësja,” – u shpreh Troshku.

Për të tretin vit radhazi personeli ushtarak i regjistruar, zjarrfikësi, piloti i linjës ajrore dhe oficeri i policisë janë katër profesionet më stresuese, sipas raportit vjetor të punëve më stresuese të “CareerCast”.

LEXONI GJITHASHTU:

• Zjarrfikësit dhe taksistët, ndër profesionet më stresuese
• Taksisti: Policët punojnë si taksistë, i gjen 24 orë nëpër Tiranë