Vetingu i policisë, AMP nënshkruam marrëveshje me IML-në për testin e drogës

Drejtori i Përgjithshëm i Agjencisë së Mbikëqyrjes Policore, Ardi Veliu dhe Drejtori i Institutit të Mjekësisë Ligjore, Bledar Xhemali firmosën sot Marrëveshjen e Bashkëpunimit në kuadër të përmbushjes së detyrimeve ligjore që janë parashikuar në ligjin “Për Vlerësimin Kalimtar dhe Periodik”.

Objekt i kësaj marrëveshjeje është bashkëpunimi ndërmjet Agjencisë së Mbikëqyrjes Policore dhe Institutit të Mjekësisë Ligjore për kryerjen e ekzaminimit toksikologjik në mostrat biologjike për përcaktimin e lëndëve narkotike, apo psikotrope nga Instituti i Mjekësisë Ligjore.

Kjo marrëveshje është firmosur në kuadër të procesit të vetingut e cila është duke vijuar për të treja shtyllat e vlerësimit të suljekteve të Policisë së Shtetit.

LEXONI GJITHASHTU:

• Vetingu në polici në “ajër”, 40 ditë pa asnjë seancë vlerësimi. KJV: Vijojmë punën normalisht
• Bie testi i së vërtetës, Gjykata Kushtetuese: I paligjshëm për vetingun në polici, pranohet vetëm në BKH