“Vetting për arbitrat”- Policia mund gazetarët në futboll, Balla shënon me penallti

Futbolli ka bërë bashkë të diëlën efektivë të Policisë së Shtetit dhe gazetarë të kronikës, ku i pranishëm ishte edhe ministri i Brendshëm, Taulant Balla.

Ekipi i Policisë arriti të fitonte kundrejt gazetarëve me rezultatin 3-1, ku ministri Balla shënoi me penallti.

Gazetari i kronikës në Euronews Albania, Eni Ferhati dhe këshilltari i ministrit Balla, Florenc Qosja, kanë qenë në studion e emisionit “Good Morning Albanians” ku kanë folur mbi këtë ndeshje.

Me nota humori Ferhati tha se ndeshja ka qenë e trukuar dhe herën tjetër do të bëjnë ‘vetting’ për arbitrat.

Nga ana tjetër Qosja tha se nëse do të hiqnin penalltinë dhe golin e anuluar të gazetarëve, atëherë ndeshja mund të dilte edhe barazim.

Pjesë nga biseda në studio:

Ferhati: Para takimit mbajtëm një minutë heshtje për të gjithë të rënët e Policisë në krye të detyrës. U ndie lodhja, sepse kishim të bënim me profesionistë që pjesë të punës së tyre kanë stërvitjen. Ndeshja ka qenë të dielën në orën 20:00 në shtëpinë e futbollit, por ishte lajmëruar më herët për organizimin. Ishin më komodë, më të privilegjuar. Këta kishin marrë edhe përforcime parlamentare, zotin Denis Deliu, i cili vjen nga karrierë ushtarake. Edhe ia dolën, por ne do luajmë prapë, nuk do e kenë të lehtë. Ne ishim 16 gazetarë, pjesa më e madhe kërkonin të ndërroheshin. Herën tjetër do i çekojmë, do bëjmë vettingun për arbitrat, do marrim masa paraprake.

Këshilltari: Edhe pse rezultati flet ndryshe, për mua ndeshja ka dalë barazim. Nëse penalltinë do e quajmë të dyshimtë, nuk do e quajmë. Dhe do të quajmë edhe golin që me pa të drejtë u anulua. Në këtë futboll amator mund të neglizhohen edhe këto padrejtësi.

Ferhati: Pastaj penalltia nuk ngurroi arbitri sapo pa një prektje të topit me dorë e gjuajtur nga ministry, u akordua direkt penallti. Nuk e zgjatëm shumë kundërshtimin, sepse pastaj nga fusha mund të kalonim…

Këshilltari: Ju siguroj që penalltia ka qenë e saktë, sepse ne kemi marrë edhe pamjet e kamerave të sigurisë të rrugës. Ka qenë një shkëputje e dorës diku mbi nivelin e supit, që tregon se dora e mbrojtësit të gazetarëve ka penguar kalimin e topit.

LEXONI GJITHASHTU:

• Balla: Çdo shërbim digjital, nuk do të ketë më asnjë dokument nga gjendja civile
• Dhunimi i avokatit të Berishës, Balla: Është identifikuar njëri nga 3 autorët